قصص اطفال - قصيرة -قصة "بنكمل بعض "

قصص اطفال قصيرة -قصة "بنكمل بعض "

ونحكى الحكاية ونقول كان يا مكان يا سعد يا إكرام ما يحلى الكلام إلا بذكر النبي عليه الصلاة والسلام "عليه الصلاة والسلام ".

فى يوم من الأيام فى سالف العصر والزمان  فى مدرسة جميلة إتنين  صحاب جداً محمد وزياد تملي مع بعض فى كل مكان ،كان محمد شاطر جدا جدا فى دراسته وتملى دايماً يحقق أعلى الدرجات وزياد كان شاطر لكن مش زى  صاحبه محمد ،لكن زياد بيحب جدا الرياضة وخاصة كورة القدم  ومتميز جدا جدا فيها، ومحمد شاطر جدااا فى الرسم وزياد بيحب جدا الموسيقي .

..

قصص اطفال قصيرة -قصة "بنكمل بعض "

..

وفى يوم من الايام نظمت المدرسة  إحتفالية كبيرة جداً،كل المتوفقين فى الدراسة والرياضة والأنشطة الفنية هيتكرموا، وبدأت  الحفلة  و الأتنين صحاب  أهم مستعدين ما هم ضروري يتكرموا لأنهم  جدا متفوقين ، محمد أخد جايزة المتفوقين فى الدراسة والرسم وزياد فى الرياضة والموسيقى وإنتهى اليوم  الدراسي ،ورجع زياد ومحمد كل واحد لبيته ، لكن صاديقنا الهمام محمد راجع زعلان وحزين يا ترى ليه ؟

..

قصص اطفال قصيرة -قصة "بنكمل بعض "

وتسأل ماما محمد زعلان ومش مبسوط ليه ؟ يرد صديقنا الهمام ويقول أنا عايز أكون زي صاحبي زياد شاطر فى الرياضة والموسيقي وفي الدراسة كمان ، تسمع ماما كلام محمد وتفكر شوية وتقول ،تخيل إن كل الناس متفوقين بس فى الدراسة ومفيش عندهم أي مواهب كان إستحالة يكون فيه كتاب وشعراء ورسامين ولاعبين كورة قدم أو أي رياضة تانية ،وتخيل لو كل الناس متفوقين بس فى الرسم والموسيقى والرياضة  كان إستحالة يكون فيه أطباء ومهندسين ومدرسين وعلماء ومهن تانية كتير جدااً ، ربنا خلقنا مختلفين والإختلاف دا هو اللي بيميزنا عن بعض وكمان بيساعدنا نكمل بعض .

..

قصص اطفال

..

 إقتنع محمد بكلام ماما وتاني يوم راح مدرسته وقبل ما يخلص اليوم الدراسي أعلنت المدرسة إن كمان يومين هيكون فيه إختبار مجموعات يعنى كل إتنين هيكونوا مجموعة واحدة وهيكون فيه إختبار فى المواد الدراسية والرسم والموسيقي والرياضة وبعدها هيتم إعلان أفضل مجموعة على مستوى المدرسة .

..

قصص اطفال

..

بدأ كل واحد يختار مين هيكون معاه فى المجموعة ، وإختار محمد زياد علشان يكونوا مجموعة واحدة ، وتاني يوم بدأ الإختبار فى المدرسة والكل بيحاول يركز الكل عايز يكون أفضل مجموعة .

..

..

..

 بدأ الإختبار  وكانت البداية مع المواد الدراسية ولأن محمد شاطر جداً فى المواد الدراسية وزياد كمان قدروا يكملوا بعض ويحققوا أعلى درجة .

..

قصص اطفال قصيرة -قصة "بنكمل بعض "

..

وبعدها كان إختبار الرسم والموسيقى ولأن زياد شاطر فى الموسيقي ومحمد شاطر فى الرسم ،رسم محمد لوحة فنية رائعة وعزف زياد موسيقي جميلة جداً وبكدا نجح زياد ومحمد إنهم  يكملوا بعض ويحققوا أعلى درجة فى تاني إختبار.

children stories

قصص اطفال قصيرة -قصة "بنكمل بعض "

..

وبعدها كان أخر إختبار مع الرياضة وبالتحديد كورة القدم ولأن صديقنا الهمام زياد متميز فيها حققق أعلى عدد من الأهداف بين كل المجموعات .

قصص اطفال قصيرة -قصة "بنكمل بعض "

..

..

 إنتهي  إختبار المجموعات والكل فى إنتظار النتيجة الكل فى إنتظار مين أفضل مجموعة ؟ مين أكتر إتنين متفوقين وبيكملوا بعض ، وأخيراً تم إعلان النتيجة وحقق زياد ومحمد أعلى الدرجات فى إختبار المجموعات وبكدا محمد وزياد هم أفضل مجموعة على مستوى المدرسة ، وأخيراً صديقنا الهمام محمد مبسوط وسعيد .

قصص للأطفال

وهنا يفتكرمحمد كلام ماما وإن ربنا سبحانه وتعالى خلقنا مختلفين مش بس ف مواهبنا وإهتماماتنا كمان فى شكلنا وتفكيرنا ،علشان كل واحد فين يكون متميزفي شئ معين ، ومميز عن غيره وعلشان نشعر بإحتياجنا لبعض وكمان نكمل بعض .

وتوته  توته خلصت الحدوتة حلوة ولا 

...

بقلم / الهام حسنى .

..

للمزيد من قصص الاطفال يمكنك زيارة الرابط التالى :

قصص للأطفال- قصة الفيل والنملة 

                             قصص للأطفال-قصة " بياع الياسمين "